مينا والنت......... و ربنا

النت عندي أحيانا بيقطع...ودا مرض مزمن أصلا من ساعة ما جبته عشان كابل الداتا طوييييل عقبال ما يوصل ل"مينا" جاري اللي عنده النت
بس القطعان بتاعه غريب حبتين...يعني مثلا بيقطع في فترة المساء والسهرة "من 12 كدة احد تاني يوم على 9 الصبح كده"
ولما يقطع يبقى "تشكوو فسفس أمر" يعني "إنسى يا عمرو" (باللغة الصينية على حسب إعلان سامبا القديم)...ماهوش جاي تاني قبل تاني يوم
وده حصل فعلا من كام ساعة كده...فا الواحد كان قاعد بيعض في قفاه بعد ما سمعت شريط الرمد

المهم بعد أما خلصت بصصان عالكتاب بتاع الرمد وبفتح الكومبيوتر في خيبة أمل ...رحت قايل لنفسي تحسرا..."يا مينا خلص بقى يا مينا رجع النت يا أخي"

فقلت لنفسي هوه مينا اللي هيرجعه؟؟....ورحت داعي..."يا رب النت يرجع يا رب" وأنا على كامل التوكل على الله سبحانه وتعالي بطلب منه يرجعهولي

وأديني أون لاين
هية تقريبا عمرها ما حصلت إالا مرة ولا إتنين ولا حاجة...ولمل يرجع بيبقى بطيء ويقرف

إنما يرجع دلوقتي وبالسرعة دي؟؟؟

الحمد لله رب العالمين...ربك كبيييير قوي بس انت ادعيله...وده اللي كنت عايز أقوله...."اتوكل وادعي وكن على يقين من قدرة الله سبحانه وتعالى ولا تيئس من الإجابة فالله لا يعجزه شيء "


نسيت أقول إني و أنا كنت بادعي قلت كمان أدعوبأن أكون من عتقاء الله في هذا الشهر الكريم..عسى أن تكون ساعق الإجابة في الليل..وربنا استجابلي الحمد لله في الأولى وأنا على طمع و أمل و يقين في الثانية بفضل الله وكرمه
ادعي بكدا انت كمان...واعيلي معاك

الحمد لله رب العالمين


ma7shy

Posted by Mohammad Aboul-wafa on Friday, September 29, 2006 at 2:38 AM | Permalink | Comments

رابطة محبي مفتاح 18

الفن بين الواقع ...واللي سمى عليه

احترس من فضلك الاّدمية ترجع الى الخلف





عندما تنظر الى المراّة...بحيادية بحتة زرقاء اللون من الفئة جييم
عندها فقط تدرك أنه حقا
عالم مليء بالألغاز و الغموض
وتلات عيال عرر

ملحوظة:مسموح بتحميل أطوال وبروز




كل سنة وانتم من ربنا قريبين ياد منك له
اخواتي اللي مش من بقيت أهلي..المزبهل"عمرو" ...والمنشكح"مصطفى" و محشي الوهميييييي صاحب السبابة

محشيي

Posted by Mohammad Aboul-wafa on Saturday, September 23, 2006 at 12:36 AM | Permalink | Comments

أنا ونفسي..أو نفسي و أنا

كيف سترسم نفسك فعلا عند افتراض أنك لم تعهد مرايا ولا عاكسات ضوء؟؟؟
هل نظرت في المراّة فاستغربت أن ما ترى لم يطابق ما تتوقع؟؟

أأنت أنت ؟؟ أم أنت شخص اّخر؟؟


كيف كنت سترسم نفسك؟

جاوبني أنا.. فذاك أسهل من إجابتك نفسك..ثم توصل لتسوية بينكما أنتما

Posted by Mohammad Aboul-wafa on Monday, September 11, 2006 at 1:06 AM | Permalink | Comments

Google Docs & Spreadsheets -- Web word processing and spreadsheets. Edit this page (if you have permission) | Report spam